Пайғамбардың әзілі
Пайғамбардың әзілі

Пайғамбардың мінезі үлгі бізге,
Шынайылық ұялар нұрлы жүзде.
Екі жаһан сардары өмірінде
Қалжың да айтып жүргенін білдіңіз бе?

Асығып Пайғамбарға жету үшін,
Бір қарт әйел келді айтып өтінішін:
''Алла мені Жаннатқа кіргізсін деп
Сұрашы!
Болмасын еш өкінішім''.

Жаратқан Пайғамбарды ардақты ғып,
Жүзінен көрініп бір салмақтылық:
''Кәрі адамдар Жәннатқа кірмейді'' - деп,
Айтқанда, қарт әйелде қалмапты үміт.

Егіліп жылай берді, жүрегі алаң,
Пайғамбар жымиып бір күледі оған:
''Жыламаңыз, кейуана, - деп жұбатты. -
Жәннат-баққа жасарып, кіреді адам''.

Келеді әзіл айтып, күлгіміз де,
Жалған үшін бермеген тілді бізге.
Қалжыңдаса, тек қана шындықты айтқан
Пайғамбар мінезінен үлгіні ізде!

Данияр Жігітбек
31.01.2016

Данияр ЖігітбекДанияр Жігітбек
4 жыл бұрын 2668
3 пікір
Блог туралы