Орындап Алланың әмірін,

Біліп жүр бес нәрсе қадірін.

Бірінші – бір-ақ рет берілер

Өлімге дейінгі өмірің.

Екінші – байлық пен тоқшылық,

Басыңа келместен жоқшылық.

Үшінші - бағың бұл – денсаулық,

Бағалай бермейтін көпшілік.

Төртінші – жастығың жалынды,

Қарттық кеп таңғанша тәніңді.

Бесінші – бос уақыт,

Тіршілік

Байламай тұрғанда қолыңды.

Орындап Алланың әмірін,

Біліп жүр бес нәрсе қадірін.

Алланың бағалап нығметін

Өтуге

Жетер ме сабырың?

Данияр Жігітбек