Сүреде барлығы 13 араб әрпі кездеседі. Оларды Y-осінде кездесу реттілігі бойынша жоғарыдан төмен орналастырайық. Әр әріптің кездесу жиілігі әр түрлі. Оларды X-осінде жазып қояйық. Бас осьтің әдеттегідей сол жақ емес, оң жақ бұрышта орналасу себебі - араб тілінде мәтін оңнан солға қарай жазылады. Енді әр әріп мен оның сүреде кездесу жиілігі түйісетін жерде нүкте қойып шығамыз. Сосын пайда болған нүктелерді сызықтармен өзара қосамыз. Нәтижесінде араб тілінде "Аллаһ" деген жазудың шыққанын көреміз. 

Бұл тәжірибені алғаш жасап көрген түрік студенті болатын, есімін ұмытып тұрмын. Өз басым бұл тәжірибені қайталап көргенімде, таң қалдым. Шынында да керемет үйлесім, керемет дәлдік!

"Ықылас" сүресі қысқа болғанына қарамастан, Алланың бар екеніне, бір екеніне шақыратын тауxидтің орталық сүресі болып табылады. 
Құдіретті Алла осылайша өзінің ұлықтығын, Құранның ұлы мұғжиза екендігін бізге паш еткендей.

Данияр Жігітбек