Өзгені ойлап, жасап жүрген әр ісің
Ахиретте береді екен жемісін.
Өтелгендей мұқтаждығың рухани
Мұқтаждарға созғаныңда қол ұшын.
Қолда барды өзгелермен бөлісу –
Жаны жайсаң жомарттардың жолы шын!
Жыртығына жамау болу кедейдің –
Мойныңдағы бір адами борышың!
Кімге керек жетістігім, табысым?!
Ұққым келді ғұмырымның мәнісін:
Шын бақытқа жеткізеді пендені
Өмір сүру өзгелердің қамы үшін!
Данияр Жiгiтбек
Данияр Жігітбек
