- Бұл сүре 30 сөзден тұрады, бұл Құрандағы жүз (пара) санына тең.- Сүредегі әріптер саны - 114, Құранда 114 сүре бар.- Сүреде 27-ші боп тұрған "هى" есімдігі "ليلة القدر" ("Қадыр түні") сөзіне қайтады, соны меңзеп тұр.- "القدر" сөзі реттік нөмірі 5, 10 және 12 сүрелерде кездеседі, осы цифрларды қосса 5+10+12, мәні 27 болады. Хадистерге сүйеніп, ғалымдар "Қадыр түні Рамазан айының 27-ші түніне сәйкес келеді" деп болжам жасаған болатын. Ал осынау математикалық дәлдік соны тағы бір растай түскендей. Ақиқатын тек Алла біледі.

Бауырлар, Құран оқиық,Жарысып бір-бірімізбен,Жәннатқа озып жеткенше. Бауырлар, Құран оқиық,Қолдағы мусхафтарымыз,Жыртылып тозып кеткенше. Бауырлар, Құран оқиық,Періште қос иықтағы,Сауабын жазып біткенше. Бауырлар, Құран оқиық,Құранның шапағатымененЖәннатқа, шаттыққа еніңіз. Бауырлар, Құран оқиық,Оқиық шын жүрекпененШыққанша ақтық деміміз! Д. Жігітбек

Көтеріп өмір жүгін, Басқанда көңілді мұң, Жасқанба! Әлі-ақ жанар Аспанда сенің күнің. Алла әр қиындыққа Уәде еткен жеңілдігін: Бір ісің біте сала, Жаңа іске беріл бүгін. Алдыға ұмтыла түс, Раббыңа сеніп, жүгін!Данияр Жігітбек

Құран оқудың оң әсерлерімен бөлісе отырсам... Ең бастысы жүректе тыныштық. Жалпы адамның жүрегі бір нәрсемен толып тұруы керек сияқты. Біреулер музыкамен толтырады, біреулер ғашықтық хикаяларымен, біреулер достарымен әңгімелеседі, т.б. жақсы да жаман нәрселермен толтыруға болады. Ал Құран оқып, жаттап жүрсе, жүрек Құранға толатын сияқты. Құранды жүрекке шипа дейді ғой. Кейбір аяттарды оқығанда шынында да емделіп жатқаныңды сезінеді екенсің. Құранды жиі оқып жүргенде, өзіңді шынайы мұсылман сезінеді екенсің. Екіжүзділіктен алыстағаныңды байқайсың. "Әуелі Құран оқуды үйрен, қалғанын Құран...

Сүреде барлығы 13 араб әрпі кездеседі. Оларды Y-осінде кездесу реттілігі бойынша жоғарыдан төмен орналастырайық. Әр әріптің кездесу жиілігі әр түрлі. Оларды X-осінде жазып қояйық. Бас осьтің әдеттегідей сол жақ емес, оң жақ бұрышта орналасу себебі - араб тілінде мәтін оңнан солға қарай жазылады. Енді әр әріп мен оның сүреде кездесу жиілігі түйісетін жерде нүкте қойып шығамыз. Сосын пайда болған нүктелерді сызықтармен өзара қосамыз. Нәтижесінде араб тілінде "Аллаһ" деген жазудың шыққанын көреміз.  Бұл тәжірибені алғаш жасап көрген түрік студенті болатын, есімін ұмытып тұрмын. Өз басым...

Аллаһым, Сен оны (Құранды) ақиқатпен жібердің және Ол ақиқатпен түсірілді.   Аллаһым, менің Оған деген махаббатымды арттыра гөр! Оны көзіме нұр, жүрегіме шипа ете гөр!   Аллаһым, Ол арқылы тілімді көркем ет, жүзімді сұлу ет, денемді мықты ет, таразымды ауыр ет!    Саған бойұсыну ретінде Оны күні-түні оқуды нәсіп ет!    Мені Пайғамбармен (Оған, оның жанұясына және сахабаларына Алланың игілігі мен сәлемі болсын) бірге тірілт!    

Ниетіңіз түзу, ықыласыңыз таза болсын: Құран жаттағаныңызда тек Алланың разылығын табуды көздеңіз. Алладан Құранды жаттап, сақтап жүруге көмек сұраңыз, дұға қылыңыз. Күнәдан аулақ болыңыз, өткен күнәларыңыз үшін тәубе қылыңыз. "Құранды толық жаттап алам" деп мақсат қойыңыз. Әрбір күніңізде Құран жаттауға уақыт бөліңіз. Кері тартатын пессимист жандардан аулақ болыңыз. Құранды ұстазбен жаттаңыз. Жоспар құрыңыз: күніне 2 беттен жаттап отырсаңыз, 1 жылда Құранды толық жаттап бітеді екенсіз, 1 беттен - 3 жылда, 1/4 беттен - 5 жылда, т.б. "Қайталау - білімнің анасы": күн сайын 1 пара,...

(Мұқағали Мақатаевтің «Сәби болғым келеді...» өлеңіне еліктеп)«Құс та болғым келмейді қанатым бар, Қанатым бар күмістен жаратылған». Қари болғым келеді, қари болғым,Жүрегінде Құраны дара тұрған.«От та болғым келмейді жылуым бар,Жылуым бар, керек пе, жылыныңдар». Қари болғым келеді, қари болғым,Құран үнін сезініп, ұғыныңдар!Қари болғым келеді, қари болғым,«Оқы» деп бұйырылған Нәбиге ердім.Сөзін жаттап, сіңіріп жүрегіме,Жаратқанды келеді тани бергім! Данияр Жігітбек    

Шыны керек бұрын өзімді қинап Құран оқитынмын. Әсерленбейтінмін. Құран менен алыс, дәлірек айтсам, мен Құраннан алыс болатынмын. Бірақ 3-4 жылдан бері әр Рамазанда Құранды хатым етіп келемін. Сонымен менің Қасиетті Кітаппен достығым шектелетін. Құранға жақын болмағандықтан, Алламен де байланысым сондай мықты болмады. Құран оқығанда бойымды жалқаулықтың дендеп алуы, зауқымның соқпауы жүрегімнің ластығынан деп ұқтым. Бірақ осы жылы рухани өмірімде төңкеріс болды. Рамазан айында бір ғалымның Құран жайлы уағызын тыңдадым. Ол кісі қарапайым ғана кеңес берген еді: күніге бір пара түпнұсқа + жарты...

Әдетте Құранды хатым ету, яғни Қасиетті Кітаптың түпнұсқасын бастан-аяқ толық оқып шығу үрдісін Рамазан айында, Құран айында, байқап жатамыз. Имам Әбу Ханифа «Құранның ақысы – оны бір жылда екі рет хатым ету» деген екен. Көптеген сахаба, ғалымдардың өміріне зер салып қарасақ, Құранды өте көп оқыған. Құран оқу олардың өмірлерінің айнымас бөлшегіне айналған. Құранды хатым етудің ең аз уақыты 3 күн деп белгіленген. Құранды көп оқығаны сонша, Хазрет Османның (Алла оған разы болсын) 2 мусхафы жыртылып қалған. Хазрет Имам Шафиғи (Алла оны рахымына алсын) әдетте Құранды құптан...

Егер әлемді жамбасына басқан, азуын айға білеген патшадан маған, иә, дәл маған арналған хат келсе, қандай күйде болар едім? Мен оқысын деп жіберген болса, демек, ішінде мен білуім қажет маңызды ақпарат бар болғаны. «Кейін оқимын» деп шетке ысыра салсам, білуім міндетті хабардан, орындауым тиіс әмірден ғапыл боп, арты өкінішке әкеп соғуы да мүмкін ғой. Бұл ғапылдығым үшін басым шабылып кетпесіне кім кепіл? Әрі менің, қарапайым жұмыр басты пенденің, сондай ұлық, бар әлем уысында болған патша көңіл бөліп, ардақтап, хат арнайтындай дәрежем де жоқ еді. Неге жазды екен? Кеудені...